ചാണകം എന്നു പറഞ്ഞാൽ കന്നുകാലികളുടെ മലത്തിന് പറയുന്ന പേരാണ്. അത് പശുവായാലും കാളയായാലും എരുമയോ പോത്തോ ആയാലും സംഗതി ഒന്നാണ്. ഇങ്ങനെ വെറും മലമാണെന്നൊക്കെ പറഞ്ഞാലും മനുഷ്യന്റെതിനേക്കാൾ ഗുണമുള്ള ഐറ്റം തന്നെയാണിത്. ഒന്നാന്തരം പച്ചിലകൾ പാചകം ചെയ്യാതെ കഴിക്കുന്ന ടീംസല്ലേ, അതോണ്ട് തരുന്ന സാധനം നല്ല വളമാണ്. ഉണക്കിയാൽ വിറകില്ലാത്തപ്പോൾ തീ കത്തിക്കാനും കൊള്ളാം.
പക്ഷെ, ഈ ചാണകത്തിലേറ്റവും കൂടുതലുള്ളതെന്താന്നറിയാമോ? കുറേ ബാക്ടീരിയകൾ. കോടിക്കണക്കിനാണ്. അതും ചില്ലറക്കാരല്ലാ, ടെറ്റനസ് ഉണ്ടാക്കുന്ന ക്ലോസ്ട്രീഡിയം ടെറ്റനി, വയറിളക്കം മുതൽ മെനിഞ്ചൈറ്റിസ് വരെ ഉണ്ടാക്കാറുള്ള E. coli, KIebsiella, Enterobacter, Corynebacterium തുടങ്ങി ഒരുവിധപ്പെട്ട എല്ലാവരും തന്നെ അതിലുണ്ട്. മുമ്പൊക്കെ കുഞ്ഞു ജനിച്ചാൽ പൊക്കിൾ കൊടിയിൽ ചാണകം പൊതിയുന്ന ആചാരമുണ്ടായിരുന്നപ്പോൾ, ഭൂരിഭാഗം കുഞ്ഞുങ്ങളും നിയോനാറ്റൽ ടെറ്റനസ് വന്ന് ദാരുണമായി മരിക്കുമായിരുന്നു ഇവിടെ. ആ ചാണകമാണ് മരുന്നാണെന്നും പറഞ്ഞ് പൊക്കിക്കൊണ്ട് വരുന്നത്.
ചാണകത്തേക്കാൾ വിലയാണ് ഗോമൂത്രത്തിന്. ശേഖരിക്കാനുള്ള പ്രയാസം കൂടി കൊണ്ടായിരിക്കും. ഗോമൂത്രത്തിന്റെ ഔഷധഗുണങ്ങൾ കുറേ കാലമായി പഠിച്ചോണ്ടിരിക്കുവാണ് ലോകം. 1975-ൽ എലികളിലും 1976-ൽ പട്ടികളിലും പഠനം നടത്തിയപ്പോൾ അവറ്റകൾ പെട്ടന്ന് ചത്തുപോകുന്നതായാണ് റിസൾട്ട് കിട്ടിയത്. ഒരു ബ്രസീലിയൻ പഠനത്തിൽ എലികളിൽ മൂത്രത്തിൽ കല്ലുണ്ടാവുന്നത് തടയുമെന്ന് മനസിലായതാണ് ഏക ആശ്വാസം. ആർക്ക് ആശ്വാസം? എലികൾക്ക്. മനുഷ്യന് എന്തെങ്കിലും ഗുണമൊന്നുമുള്ളതായി ഇതുവരെയും കണ്ടെത്തിയിട്ടില്ല. മാത്രമല്ല, കുരു അഥവാ Bovine spongiform encephalopathy എന്ന തലച്ചോറിനെ ബാധിക്കുന്ന മാരകരോഗം ഗോമൂത്രം കുടിച്ചാൽ വരാമെന്ന് പണ്ടേ കണ്ടെത്തിയിട്ടുമുണ്ട്.
എന്തസുഖം വന്നാലും ഞങ്ങടേല് മരുന്നുണ്ടേന്ന് പറഞ്ഞു വരുന്ന ഹോമിയോക്കാർ ഒരു വശത്ത്. കൊറോണയല്ലാ, ഇനി ഏതസുഖത്തിനും ചാണകവും ഗോമൂത്രവും മതിയെന്ന് പറയുന്ന മന്ത്രിമാരും സന്യാസിമാരും മറുവശത്ത്. മനസമാധാനത്തോടെ ഒരു വൈറസിന് പോലും ജീവിക്കാൻ പറ്റാത്ത ലോകത്തെ ഏകരാജ്യമാണിന്ന് ഇന്ത്യ.
പിന്നേ, ലോകത്തിലേറ്റവും വിലയേറിയ 'കാപ്പിപ്പൊടി' ഉണ്ടാക്കുന്നതും മലത്തീന്നാണ് കേട്ടോ. സിവെറ്റ് എന്ന വന്യ ജീവിയാണ് താരം. Kopi luwak എന്നാണാ കാപ്പിപ്പൊടിയുടെ പേര്‌. ഇന്തോനേഷ്യൻ ഐറ്റമാണ്. 500 അമേരിക്കൻ ഡോളറൊക്കെ ആവും കിലോയ്ക്ക്. പറയാൻ കാരണം, അതിനിടയ്ക്ക് ചാണകത്തീന്നും കാപ്പിപ്പൊടി ഉണ്ടാക്കാന്ന് കേരളത്തിലേതോ അച്ചൻ അവകാശപ്പെട്ടെന്നു കേട്ടു. അയ്യേ, അയ്യയ്യേ.. അതൊന്നും ഇവിടെ ചെലവാവൂല അച്ചോ.. :)
©മനോജ്‌ വെള്ളനാട്
ചാണകചരിതം ഒന്നാം ഖണ്ഡം :)
പക്ഷെ, ഈ ചാണകത്തിലേറ്റവും കൂടുതലുള്ളതെന്താന്നറിയാമോ? കുറേ ബാക്ടീരിയകൾ. കോടിക്കണക്കിനാണ്. അതും ചില്ലറക്കാരല്ലാ, ടെറ്റനസ് ഉണ്ടാക്കുന്ന ക്ലോസ്ട്രീഡിയം ടെറ്റനി, വയറിളക്കം മുതൽ മെനിഞ്ചൈറ്റിസ് വരെ ഉണ്ടാക്കാറുള്ള E. coli, KIebsiella, Enterobacter, Corynebacterium തുടങ്ങി ഒരുവിധപ്പെട്ട എല്ലാവരും തന്നെ അതിലുണ്ട്. മുമ്പൊക്കെ കുഞ്ഞു ജനിച്ചാൽ പൊക്കിൾ കൊടിയിൽ ചാണകം പൊതിയുന്ന ആചാരമുണ്ടായിരുന്നപ്പോൾ, ഭൂരിഭാഗം കുഞ്ഞുങ്ങളും നിയോനാറ്റൽ ടെറ്റനസ് വന്ന് ദാരുണമായി മരിക്കുമായിരുന്നു ഇവിടെ. ആ ചാണകമാണ് മരുന്നാണെന്നും പറഞ്ഞ് പൊക്കിക്കൊണ്ട് വരുന്നത്.
ചാണകത്തേക്കാൾ വിലയാണ് ഗോമൂത്രത്തിന്. ശേഖരിക്കാനുള്ള പ്രയാസം കൂടി കൊണ്ടായിരിക്കും. ഗോമൂത്രത്തിന്റെ ഔഷധഗുണങ്ങൾ കുറേ കാലമായി പഠിച്ചോണ്ടിരിക്കുവാണ് ലോകം. 1975-ൽ എലികളിലും 1976-ൽ പട്ടികളിലും പഠനം നടത്തിയപ്പോൾ അവറ്റകൾ പെട്ടന്ന് ചത്തുപോകുന്നതായാണ് റിസൾട്ട് കിട്ടിയത്. ഒരു ബ്രസീലിയൻ പഠനത്തിൽ എലികളിൽ മൂത്രത്തിൽ കല്ലുണ്ടാവുന്നത് തടയുമെന്ന് മനസിലായതാണ് ഏക ആശ്വാസം. ആർക്ക് ആശ്വാസം? എലികൾക്ക്. മനുഷ്യന് എന്തെങ്കിലും ഗുണമൊന്നുമുള്ളതായി ഇതുവരെയും കണ്ടെത്തിയിട്ടില്ല. മാത്രമല്ല, കുരു അഥവാ Bovine spongiform encephalopathy എന്ന തലച്ചോറിനെ ബാധിക്കുന്ന മാരകരോഗം ഗോമൂത്രം കുടിച്ചാൽ വരാമെന്ന് പണ്ടേ കണ്ടെത്തിയിട്ടുമുണ്ട്.
എന്തസുഖം വന്നാലും ഞങ്ങടേല് മരുന്നുണ്ടേന്ന് പറഞ്ഞു വരുന്ന ഹോമിയോക്കാർ ഒരു വശത്ത്. കൊറോണയല്ലാ, ഇനി ഏതസുഖത്തിനും ചാണകവും ഗോമൂത്രവും മതിയെന്ന് പറയുന്ന മന്ത്രിമാരും സന്യാസിമാരും മറുവശത്ത്. മനസമാധാനത്തോടെ ഒരു വൈറസിന് പോലും ജീവിക്കാൻ പറ്റാത്ത ലോകത്തെ ഏകരാജ്യമാണിന്ന് ഇന്ത്യ.
പിന്നേ, ലോകത്തിലേറ്റവും വിലയേറിയ 'കാപ്പിപ്പൊടി' ഉണ്ടാക്കുന്നതും മലത്തീന്നാണ് കേട്ടോ. സിവെറ്റ് എന്ന വന്യ ജീവിയാണ് താരം. Kopi luwak എന്നാണാ കാപ്പിപ്പൊടിയുടെ പേര്‌. ഇന്തോനേഷ്യൻ ഐറ്റമാണ്. 500 അമേരിക്കൻ ഡോളറൊക്കെ ആവും കിലോയ്ക്ക്. പറയാൻ കാരണം, അതിനിടയ്ക്ക് ചാണകത്തീന്നും കാപ്പിപ്പൊടി ഉണ്ടാക്കാന്ന് കേരളത്തിലേതോ അച്ചൻ അവകാശപ്പെട്ടെന്നു കേട്ടു. അയ്യേ, അയ്യയ്യേ.. അതൊന്നും ഇവിടെ ചെലവാവൂല അച്ചോ.. :)
©മനോജ്‌ വെള്ളനാട്
ചാണകചരിതം ഒന്നാം ഖണ്ഡം :)
ഈ ചാണക ചരിതം കൊള്ളാമല്ലൊ
ReplyDelete